Црква Св.Петар и Павле
Црквата Св.Петар и Павле е резултат на старата пехчевска црква која била изградена во 1856 година, со посебно одобрение од тогашните турски власти. Надворешните ѕидови биле од ситен камен донесен од Валевичка река, а за внатрешните столбови камен донесен од Брезница и од Равно Борје.Оваа црква е градена исклучиво со прилози од месното население.
Во 1978 година, со решение на Општинското собрание, старата црква е урната, а на нејзино место веднаш е подигната нова и модерна. Оваа црква денес е една од најубавите во Македонија. Изградена е со здружени средства од работните организации, средства од Месната заедница, средства од Брегалничката епархија и црковни средства. Осветена е на 9 Октомври 1988 година.
Целиот иконостас, фреските и останатите икони од старата се пренесени доста успешно во новата црква.
До старата црква било изградено и училиште кое е срушено од земјотресот во 1904 година. Денеска на местото на училиштето е изграден административен дел на црквата во кој се наоѓа и просторијата за крштевање. Во просторијата за крштевање е направен и мозаик со размери (8м2). Мозаикот е направен од природни тесари (камчиња) во рано христијански стил, неизневерувајќи ги ранохристијанските традиции. Поточно, мозаикот е симболична представа на рајот или едемската градина која е представена со флорни и животински мотиви. Всушност тоа е и првиот ранохристијански мозаик од понаовата историја на Македонија која представува и едно од позначајните културни знаменитости во општината.
The church of St. Peter and Pavle is a result of the old church in Pehchevo which was built in 1856, with the special approval of the Turkish authorities at that time. The exterior walls were constructed of fine stone brought from the Valevichka River, while for the inner pillars, from Breznica and Ravno Borej. This church was built exclusively with contributions from the local population.