Планина “ГОЛАК” – Делчево

Планината Голак се наоѓа во североистичниот дел на Македонија на десетина километри од државната граница со Р. Бугарија. Највисоката точка е врвот Чавка со 1.536m надморска височина на кого се надоврзуваат сите останати ридови. Мистичноста на планината се крие во легендата за Голак..Во нејзиното подножје лежат четири општини: Делчево, Берово, Пехчево и Виница со вкупно 51 населено место. Планината Голак ги зафаќа површините западно од Делчево и источно од Виница. По вододелницата на оваа планина се протега и административно територијалната граница помеѓу општините Делчево и Берово. Источните и северо источните падини од планината Голак кои гравитираат кон Делчево припаѓаат кон општина Делчево, а западните и северозападните падини кои гравитираат кон р.Осојница припаѓаат кон општина Виница. Планината Голак по својот релјеф е ридско планинско подрачје со многубројни реки, долови и суводолици, со стрмни и благи падини. Како главен и највисок врв се јавува “Чавка“(1.536 м.н.в). Се издвојуваат и “Стамболиска чука“ (1.319 м.н.в), Стенче (1.176 м.н.в) од каде се расчленува во правец кон југоисток “Стенче“-“Широчница“-р.Брегалница. Орто релјефот е ридско-планински испресечен со релативно поголем број на помали реки, долови и суводолици кои се влеваат во Брегалница. Сите водотеци на Голак се влеваат воглавно во реката Брегалница која е дел од Егејското сливно подрачје. На планината се изградени следните капацитети:
  • - Детско одмаралиште со. kапацитет од 180 легла
  • - 5 вили на локални фирми, со вкупен капацитет од 60-70 легла
  • - неколку приватни кампови
  • - зграда на ШС ПЕ Голак
  • - терени за фудбал, кошарка и одбојка
  • - Планинска велосипедска патека
  • - Патека на билките
  • - Детска едукативна патека
Комунална инфраструктура: вода се обезбедена преку пумпни станици, а отпадните води се решени со септички јами Флора и фауна Природата била нескромна во дарувањето на планината со биолошки богатства. Палнината Голак прстставува вистинска еколошка ризница со извонредно шумско богатсво и богат животински свет. Во структурата на шумата најзастапена е дабовата шума, потоа боровата и во најмал процент е застапена буковата шума. Постои и изобилство на лековити билки и ендемски растенија, како и изобилство на шумски плодови. Покрај растителен планината има и богат животински свет, меѓу кои постојат и загрозени видови како: дива свиња, срна, див зајак, црниот орел, еребица и був. Популација Вкупниот број на населението кое живее во општините кои се лоцирани околу планината Голак изнесува 56.901 жител.
Види повеќе
Оди најгоре